Azərbaycan tar, kamança və qavalın nadir eksponatlarını Belçika Musiqi Alətləri Muzeyinə hədiyyə edib

UNESCO üzrə Azərbaycan Respublikasının Milli Komissiyası Azərbaycanın Avropa İttifaqındakı nümayəndəliyinin dəstəyi ilə tar, kamança və qavalın nadir eksponatlarını Belçika Kral İncəsənət və Tarix Muzeylərinin himayəsi altında Musiqi Alətləri Muzeyinə hədiyyə edib.

Day.Az xəbər verir ki, bu barədə UNESCO üzrə Azərbaycan Respublikasının Milli Komissiyası məlumat yayıb.

Bildirilib ki, bu, mədəni əlaqələrin möhkəmləndirilməsi və Azərbaycan irsinin bütün dünyada təbliği istiqamətində daha bir addımdır.