Xətaidə binada yanğın törətməkdə şübhəli bilinən şəxs saxlanılıb
Paytaxtın Xətai rayonunda hündürmərtəbəli yaşayış binasında yanğın törətməkdə şübhəli bilinən şəxs saxlanılıb.
Day.Az xəbər verir ki, hadisəni qəsdən törətməkdə şübhəli bilinən 47 yaşlı şəxs polis əməkdaşları tərəfindən saxlanılıb.
Araşdırmalar zamanı həmin şəxsin ruhi-əsəb xəstəliklərindən əziyyət çəkdiyi məlum olub. Onun xüsusi təyinatlı tibb müəssisəsinə yerləşdirilməsi təmin edilib.
Qeyd edək ki, hadisə ötən gün Məhəmməd Hadi küçəsi 72 ünvanında yerləşən hündürmərtəbəli yaşayış binasının üçüncü mərtəbəsində qeydə alınıb. İlkin məlumata görə, yanğın həmin ünvanda yaşayan şəxslər arasında şəxsi münaqişə zəminində törədilib.
Hadisə yerinə Fövqəladə Hallar Nazirliyinin əməkdaşları, polis və təcili tibbi yardım briqadaları cəlb olunub. Yanğın söndürülüb, alovun qonşu mənzillərə keçməsinin qarşısı alınıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
