Ağdamda həlak olan Qarabağ qazisinin FOTOSU - YENİLƏNİB
Day.Az представляет новость на азербайджанском языке
----------
13:36
Ötən gecə erməni silahlı birləşmələrinin Ağdam rayonunu ağır artilleriyalardan atəşə tutması nəticəsində həlak olan mülki vətəndaş, rayonun Çəmənli kənd sakini, 1966-cı il təvəllüdlü Mustafayev Famil Əli oğlu dəfn edilib.
Bu barədə Trend-ə Ağdam Rayon İcra hakimiyyətinin başçısı Raqub Məmmədov məlumat verib.
İcra başçısı bildirib ki, mərhumun dəfn mərasimi Çəmənli kəndində keçirilib.
---------
11:08
Ötən gecə Ermənistan silahlı qüvvələrinin atəşkəs rejimini pozması nəticəsində Ağdam rayonunun bir sakini dünyasını dəyişib, 8 mülki şəxsi isə yaralanıb.
Day.Az bildirir ki, Ağdamın Çəmənli kəndinin bələdiyyə sədri Pənah Hüseynov azvision.az-a açıqlamasında deyib ki, düşmən təxribatı nəticəsində həlak olan kənd sakini Famil Əli oğlu Mustafayev birinci Qarabağ müharibəsinin veteranı olub.
"1966-cı il təvəllüdlü Famil Mustafayev Qarabağ döyüşlərində iştirak edib, qazidir. Familin 3 övladı var. Hazırda mərhumla dəfn mərasimi keçirilir".
Qeyd edək ki, ermənilərin açdığı atəş nəticəsində yaralanan mülki şəxslərdən ikisinin vəziyyəti ağırdır. Onlar 1966-cı il təvəllüdlü, Çəmənli kənd sakini Hüseynov Əli, digəri isə 1945-ci il təvəllüdlü, Əfəndili kənd sakini Məmmədov Elnurdur.
Yaralılar xəstəxanaya yerləşdiriliblər.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
