"Aşura mərasimləri zamanı uşaqları hicaba bürümək düzgün deyil"

Day.Az представляет новость на азербайджанском языке

Milli Məclisin deputatı Zahid Oruc Azərbaycanda Aşura mərasimləri zamanı qançıxarma hərəkətlərinə etiraz edib.

Day.Az-ın Trend-ə istinadən məlumatına görə, Z.Oruc bu gün parlamentin payız sessiyasının ilk plenar iclasında qeyd edib ki, Azərbaycan müstəqillik qazandıqdan sonra ölkəmizdə dini etiqad azadlığı mövcuddur: "Bu, yaxşı bir haldır. Ancaq qançıxarma hərəkətləri düzgün deyil".

Deputat Aşura mərasimləri zamanı uşaqları hicaba bürüməyin də düzgün olmadığını bildirib:

"Dinin mahiyyətini anlamayan uşaqların hicaba bürünməsi yolverilməzdir. Əlbəttə, bu məsələni inzibati yolla həll etmək olmaz, bunu məsələni təhsillə, marrifləndirməklə həll etməliyik".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.