Çoban salatına bu məhsulu qatmayın - Yayda təhlükəlidir
Yay aylarında xüsusilə geniş yayılmış xiyar-pomidor salatı düzgün saxlanmadıqda sağlamlıq üçün təhlükə yarada bilər.
Day.Az Milli.Az-a istinadən xəbər verir ki, qida təhlükəsizliyi üzrə mütəxəssis Yelena Spetsenko bu barədə xəbərdarlıq edib.
Onun sözlərinə görə salata mayonez əlavə edildikdə və yüksək temperaturda uzun müddət saxlanıldıqda bu qarışım zərərli bakteriyalar üçün əlverişli mühit yaradır. Havanın temperaturu 25 dərəcədən artıq olduqda, belə salatlar cəmi 30-40 dəqiqə ərzində stafilokok, salmonella və bağırsaq çöpləri kimi mikroorqanizmlərlə çirklənə bilər.
Xüsusilə yay mövsümündə küçə yeməkləri və marketlərdə satılan hazır salatların təhlükə riski daha yüksək qiymətləndirilir. Mütəxəssis belə hallarda salatın yeməkdən dərhal əvvəl hazırlanmasını və otaq temperaturunda iki saatdan artıq saxlanmamasını tövsiyə edib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
