Gənc yazarlarla Misir səfirliyində görüş keçirilib - FOTO

Day.Az представляет новость на азербайджанском языке:

Bu gün Azərbaycan Yaradıcılıq Fondunun təşkilatçılığı ilə gənc yazarlarla Misir Ərəb Respublikasının Azərbaycandakı Səfirliyinin Mədəniyyət və Təhsil Əlaqələri Mərkəzində görüş keçirilib.

Day.Az-ın məlumatına görə, Misir Mədəniyyət və Təhsil Əlaqələri Mərkəzinin müdiri Əhməd Sami Elaydi qonaqları salamlayaraq onlara Mərkəzin yaranma tarixindən, fəaliyyətindən, Azərbaycandakı qurumlarla əməkdaşlığından, Azərbaycan və Misir arasında olan mədəni əlaqələrin genişlənməsindəki rolundan, mütəmadi olaraq mədəni tədbirlərdə iştirakından, Misirin aparıcı universitetlərindən olan Ayn-Şəms Universitetində Azərbaycan dilinin tədrisindən söhbət açıb.
 

Öz növbəsində Azərbaycan Yaradıcılıq Fondunun Aparat rəhbəri Qismət Rüstəmov dəvət üçün və gənc yazarlara göstərilən diqqət üçün Misir Mədəniyyət və Təhsil Əlaqələri Mərkəzinin müdiri Əhməd Sami Elaydiyə təşəkkürünü bildirib. Görüş zamanı tərəflər arasında Misirin gənc yazarlarını Azərbaycana dəvət etmək, eləcə də Azərbaycan gənc yazarlarının Misirə səfərlərini təşkil etmək, bu barədə yazıların hazırlanması, hər iki ölkədən olan gənc yazarların qarşılıqlı fikir mübadiləsi, əlaqələrin qurulması, Misirli yazarlar haqqında, onların əsərlərinin Azərbaycan dilinə tərcümə olunmasını, sərgilərin keçirilməsi, və digər təkliflər müzakirə olunub.
 

Görüşdə gənc yazarlardan Qan Turalı, Ömər Xəyyam, Səhər Əhməd, Fuad Cəfərov, Mirmehdi Ağaoğlu, Mahmud Ağakişiyev iştirak ediblər.

Şəkilləri böyütmək üçün klikləyin: