“İçərişəhər” qoruğuna aparat rəhbəri təyin edilib
.png)
"İçərişəhər" Dövlət Tarix-Memarlıq Qoruğu İdarəsinə yeni Aparat rəhbəri təyin edilib.
Day.Az xəbər verir ki, Fuad Xəlilov sözügedən vəzifəyə təyinat alıb.
Qeyd edək ki, 1978-ci ildə Bakı şəhərində anadan olan Fuad Xəlilov Azərbaycan Dövlət Neft Akademiyasını "Beynəlxalq iqtisadi əlaqələr" ixtisası üzrə bitirib.
Əmək fəaliyyətinə 2000-ci ildə bank sektorunda başlayaraq "Nikoil Bank", "Bank Standard" və "Standard Insurance ASC" kimi maliyyə qurumlarında məsul və rəhbər vəzifələrdə çalışıb.
2017-2025-ci illər ərzində telekommunikasiya sahəsində fəaliyyətini davam etdirən Fuad Xəlilov "Bakcell" və "Azerconnect Group"da B2B satış və məhsul idarəetməsi sahələrinə rəhbərlik edib.
2020-ci ildə Dövlət Məşğulluq Agentliyində sədrin müşaviri vəzifəsində fəaliyyət göstərərək dövlət idarəçiliyi sahəsində də təcrübə qazanıb.
Hazırda "İçərişəhər" Dövlət Tarix-Memarlıq Qoruğu İdarəsinin Aparat rəhbəri vəzifəsinin icrasına başlayıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
