4 gün öncə Şəmkirdə baş vermiş qəzada yaralanan 5 yaşlı uşaq ölüb
4 gün öncə Şəmkirdə baş vermiş qəzada yaralanan 5 yaşlı uşaq ölüb.
Day.Az xəbər verir ki, bu barədə Trend-in sorğusuna cavab olaraq Tibbi Ərazi Bölmələrini İdarəetmə Birliyidən (TƏBİB) cavab olaraq bildirilib.
Qeyd edilib ki, avqustun 17-də Bakı-Qazax magistral yolunun Şəmkir rayon ərazisində baş verən yol-nəqliyyat hadisəsi nəticəsində xəsarət alan 2021-ci il təvəllüdlü azyaşlı (kişi cinsli) ağır vəziyyətdə Şəmkir Rayon Mərkəzi Xəstəxanasına hospitalizasiya olunub.
"Bazu sümüyünün yuxarı ucunun sınığı, sağ bud sümüyünün sınığı, beyinin diffuz travması, başın digər hissələrinin bərk əzilməsi diaqnozları təyin olunan azyaşlının aparılan reanimasiya tədbirlərinə baxmayaraq, avqustun 21-də saat 07:50 radələrində bioloji ölüm faktı qeydə alınıb.
Meyit təşrih olunması üçün Məhkəmə-Tibbi Ekspertiza və Patoloji Anatomiya Birliyinin Şəmkir rayon şöbəsinə təhvil verilib", - deyə əlavə edilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
