Vəkillər Kollegiyası: Xocalıdan olan ailələrə pulsuz hüquqi yardım göstəriləcək

Day.Az представляет новость на азербайджанском языке

Bu gün Vəkillər Kollegiyasının Rəyasət Heyətində Xocalı soyqırımının 26-cı ildönümü ilə əlaqədar tədbir keçirilib.

Day.Az Trend-ə istinadən xəbər verir ki, tədbirdə Vəkillər Kollegiyasının sədri Anar Bağırov 26 fevral 1992-ci il tarixdə Xocalı şəhərində baş vermiş hadisələr barədə ətraflı məlumat verib, törədilən soyqırımının daim təbliğ edilməsinin və beynəlxalq ictimaiyyətə tanıdılmasının əhəmiyyətini qeyd edib.

Tədbirdə Xocalı soyqırımı qurbanlarının hüquqlarının müdafiəsi məsələsinə də toxunulub, vəkillər tərəfindən bu şəxslərə əvəzsiz hüquqi yardım göstərilməsi təklif olunub.

Tədbirdə Xocalı faciəsi ilə bağlı qısa film nümayiş etdirilib, soyqırımı qurbanlarının xatirəsi bir dəqiqəlik sükutla anılıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.