“Melissa Group” tikinti şirkətinin rəhbəri Qalib Məmmədov həbs edildi

İki gün öncə axşam saatlarında saxlanılan, Yasamal rayonunda sakinlər içəridə ola-ola söküntü işləri aparan "Melissa Group" tikinti şirkətinin rəhbəri Qalib Məmmədov barəsində qətimkan tədbiri seçilməsi üçün məhkəməyə təqdimat daxil olub.

Day.Az xəbər verir ki, tədimata Xətai Rayon Məhkəməsində hakim Aygün Həsənovanın sədrliyi ilə baxılıb.

İstintaq orqanının təqdimatı təmin olunub və Qalib Məmmədov barəsində 1 ay müddətinə həbs-qətimkan tədbiri seçilib.

Cinayət işi üzrə Qalib Məmmədovdan başqa 2 şəxs də saxlanılıb.