Beyləqanda minik avtomobili yanaraq yararsız hala düşüb

Beyləqanda "Mercedes" markalı minik avtomobili yanaraq yararsız hala düşüb.

Day.Az bildirir ki, Trend-in yerli müxbirinin əldə etdiyi xəbərə görə, hadisə Beyləqan şəhəri ərazisində baş verib.

Rayon sakini Cavid Abbasova məxsus "Mercedes E 220" markalı 10-BK-415 dövlət nömrə nişanlı avtomobil anidən yanmağa başlayıb. Hadisə yerinə FHN-nin Beyləqan rayon yanğınsöndürən əməkdaşları cəlb edilib. Yanğınsöndürən əməkdaşları yanan avtomobili söndürərək yaxınlıqdakı avtomobil və tikililərə keçməsinin qarşısını alıb.

Faktla bağlı araşdırma aparılır.