Kəlbəcərdə çayda batan yeniyetmənin meyiti tapıldı

Levçay çayının Kəlbəcər rayonu, Çəpli kəndindən keçən hissəsində batan yeniyetmənin meyiti tapılıb.

Bu barədə Day.Az-a Fövqəladə Hallar Nazirliyindən (FHN) məlumat verilib.

Bildirilib ki, iyulun 12-si Levçay çayının Kəlbəcər rayonu, Çəpli kəndindən keçən hissəsində batan 2015-ci il təvəllüdlü Yaqub Zabil oğlu Abutalıbovun meyiti FHN-in xilasediciləri tərəfindən tapılaraq aidiyyəti üzrə təhvil verilib.

Xatırladaq ki, yeniyetmə su götürmək istəyərkən çaya düşüb.