Metronun "İnşaatçılar" stansiyasının ikinci vestibülü açıldı

Day.Az представляет новость на азербайджанском языке

Mərmər-qranit örtüyü dəyişdirilib, xidməti otaqlarda təmir işləri yerinə yetirilib

Metronun "İnşaatçılar" stansiyasının təmirə bağlanmış ikinci vestibülü yenidən sərnişinlərin istifadəsinə verilib.

Mərmər-qranit örtüyü dəyişdirilib, xidməti otaqlarda təmir işləri yerinə yetirilib.

30 illik istismar müddətini başa vurmuş eskalatorlar Almaniya istehsalı olan yeniləri ilə  əvəzlənib .Əvvəl  yuxarı qalxan 3 eskalatorun yerinə 2-si quraşdırılıb. Digərinin yerində isə daş pilləkən tikilib.

"Bakı Metropoliteni" QSC-nin sözçüsü Nəsimi Paşayevin sözlərinə görə, bəzi metrostansiyalar vaxtilə standartlara uyğun tikilməyib.

"İnşaatçılar" stansiyasının birinci giriş-çıxışı da standarta uyğun tikilmədiyindən yaxın günlərdə bu vestibül də təmirə bağlanacaq.

Hazırda təmir işi davam edən Neftçilər, Qara-Qarayev, Nizami stansiyalarının  giriş-çıxışlarında da işlər yekunlaşmaq üzrədir.

Day.Az "Xəzər Xəbər"-ə istinadən mövzu ilə bağlı daha ətraflı material təqdim edir:

Digər xəbərləri Azərbaycan dilində xüsusi Facebook səhifəmizdə izləyə bilərsiniz.