Yayda bağ evlərində dincəlmək istəyənlər üçün

Yay mövsümü ərəfəsində bağ evlərinin kirayəsində bahalaşma müşahidə edilir.

Day.Az xəbər verir ki, əmlak eksperti Mülkədar Rüstəmovun sözlərinə görə,  ötən illə müqayisədə paytaxtın ətraf rayonlarında kirayə verilən bağ evlərinin qiymətində ciddi artım var.

Bu əsasən dəniz mənzərəli və hovuzu olan mənzillərdə daha çox hiss olunur. Evlərin mart və aprel aylarından bron edilməsi də qiymətlərə təsirsiz ötüşmür.

Ekspert qeyd edib ki, bakıdakı bağ evləri demək olar ki aylıq istərahət üçün istifadə olunur.

Bu mövsüm bölgələrdə də kirayə mənzillərin qiymətində dəyişkilik qaçılmaz olacaq.

Həmçinin oxuyun: Bakıda maya dəyərindən ucuz mənzillər satışa çıxarıldı - İyulun 20-dək... - VİDEO

Mülkədar Rüstəmov deyir ki, rayonlara üz tutanlara əraziyə görə fərqli qiymətlər təklif oluna bilər.

"Bahalaşma günlük evlərdə daha çox hiss olunacaq."

Ekspert əlavə edib ki, yay aylarında ölkəmizə gələn turistlərin sayının çoxluğu da qiymətlərə təsir edən amillərdən biridir.

Xezerxeber.az mövzu ilə bağlı daha ətraflı videomaterialı təqdim edir: