Lökbatandakı partlayışda xəsarət alan şəxsin vəziyyəti açıqlandı

16.08.2025-ci il tarixində saat 07:30 radələrində Respublika Təcili və Təxirəsalınmaz Tibbi Yardım Mərkəzinə Qaradağ rayonu, Lökbatan qəsəbəsi ərazisindən çağırış daxil olub.

TƏBİB-dən Trend-ə bildirilib ki, çağırış əsasında təcili tibbi yardım briqadası ünvana yönləndirilib.

"Təcili tibbi yardım briqadası tərəfindən 1 nəfər (kişi cinsli) Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə olunub.

1990-cı il təvəllüdlü şəxsə bədən səthinin 75 faizinin termiki alov yanığı diaqnozu təyin olunub. Zəruri tibbi xidmətlər göstərilən şəxs özəl tibb müəssisəsinə təxliyə olunub", - məlumatda deyilir.