Fransanın cənubunda “qırmızı” xəbərdarlıq elan olunub
Fransanın Milli Meteorologiya Xidməti ölkənin cənub departamentlərində meşə yanğınları ilə əlaqədar ən yüksək - "qırmızı" təhlükə səviyyəsi elan edib.
Bu barədə qurumun rəsmi saytında dərc olunan məlumatda bildirilib.
"Qırmızı" xəbərdarlıq Od, Var, Voklüz və Buş-dü-Ron departamentlərinə şamil edilir.
"Yaxın iki gün ərzində Aralıq dənizi bölgəsində güclü istilər və küləyin güclənməsi səbəbindən meşə yanğınları riski yüksək və son dərəcə yüksək olacaq", -deyə xidmətin rəsmi "X" səhifəsində bildirilib.
Proqnoza görə, avqustun 6-da bəzi rayonlarda havanın temperaturu 38 dərəcəyədək yüksələcək.
Qeyd edək ki, 2026-cı ildə Avropada, xüsusilə İspaniya və Fransada meşə yanğınları rekord miqyas alıb. Fransada indiyədək rekord həcmdə - 117 min hektar meşə sahəsi yanaraq məhv olub.
Заметили ошибку в тексте? Выберите текст и сообщите нам, нажав Ctrl + Enter на клавиатуре
