Bir neçə telekanalın yayımı dayandırıldı

Day.Az представляет новость на азербайджанском языке

Ankara Cümhuriyyət Baş Prokurorluğu apardığı istintaqla bağlı "Tivibu" və "Digiturk"a məktub göndərərək bəzi kanalları platformasından çıxarmasını istəyib. 

Anspress-in məlumatına görə, bu kanallar "paralel hökumət"ə (nurçular) xidmətdə ittiham olunurlar. 

"Türkiye Gazetesi" nin verdiyi xəbərə görə, "Tivibu" və "Digiturk"dan sonra gözlər "Türksat"a dikilib. Baş Prokurorluğun "Türksat"a da eyni məktubla müraciət edəcəyi gözlənilir. Sözügedən kanallar "Samanyolu TV", "Mehtap TV", "S Haber" (Samanyolu Haber), "Kanaltürk", "Bugün TV", "Yumurcak TV" və "Irmak TV"dir. Bu kanalların "Türksat"dan da çıxarılacağı haqda təlimatın gəldiyi haqda məlumatlar dolaşır.

"Digiturk"un rəsmi internet saytında bununla bağlı verilən açıqlamada bildirilir ki, Baş Prokurorluqdan gələn rəsmi sənədə uyğun olaraq adı sadalanan kanalları yayımlamayacaq.

Digər xəbərləri Azərbaycan dilində xüsusi Facebook səhifəmizdə  izləyə bilərsiniz.