Formula 2-də maraqlı finiş

Day.Az представляет новость на азербайджанском языке

Milli.Az xəbər verir ki, 2018 Azərbaycan Qran Prisinin ikinci günündə FİA Formula 2 sinfində ilk yarış keçirilib.

Qəzaların bol olduğu yarışda cəmi 13 pilot finişə çata bilib. Pilotların 7-si isə yarışa erkən vida etməli olub.

Qeyd edək ki, Bakıda yarışı başa çatdıra bilməyən pilotlar "Campos Vexatec Racing" komandasının pilotları - italiyalı Luka Giotto və israilli Roy Nisani, "BWT Arden" komandasının almaniyalı pilotu Maksimilian Günter, "RUSSIAN TİME"dan rusiyalı Artyom Markelov, "PERTAMINA PREMA Theodore Racing"dən niderlandlı Nik de Vries, "Charouz Racing System"dən isveçrəli Lui Deletras, "Trident"dən hindistanlı Arcun Maini olub.

İlk yarışın qalibi isə "DAMS" komandasının tailandlı pilotu Aleksandr Albon olub. ikinci yeri "ART Grand Prix"dən böyük britaniyalı Cek Aitken tutub. Üçüncü yerdə "Charouz Racing System"dən italiyalı Antonio Fuoko gəlib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.