Formula 1 Azərbaycan Qran Prisində birinci sərbəst yürüş başa çatdı

Day.Az представляет новость на азербайджанском языке

-----------
15:23

Bakıda Formula 1 Azərbaycan Qran Prisində birinci sərbəst yürüş başa çatıb.

Milli.Az-ın məlumatına görə, bu mərhələdə ən yüksək nəticəni 1:44.242 dəqiqə ilə finlandiyalı Valtteri Bottas ("Mercedes") göstərib.

İkinci nəticə "Red Bull" pilotu Daniel Rikkiardo (1:44.277), üçüncü nəticə isə "Force India" pilotu Serxio Peresə (1:45.075) aiddir.

Qeyd edək ki, bu gün Bakıda Formula 1 Azərbaycan Qran Prisində pilotların birinci sərbəst yürüşü başlayıb.

Sərbəst yürüşlərdə 10 komandadan 20 pilot iştirak edir.

Formula 1 bolidlərinin hərəkət etməsi üçün hazırlanan xüsusi yolun - Bakı Şəhər Halqasının müəllifi Herman Tilkedir. Bir dövrənin uzunluğu 6 kilometrdən çoxdur. Ümumilikdə, bolidlər 51 dövrə (120 dəqiqə) vurmalıdırlar.

----------
13:09

Bu gün Bakıda Formula 1 Azərbaycan Qran Prisində pilotların birinci sərbəst yürüşü başlayıb.

Day.Az Trend-ə istinadən xəbər verir ki, sərbəst yürüşlərdə 10 komandadan 20 pilot iştirak edir.

Bakıda yarışa qatılan sürətsevərlər arasında Lyuis Hemilton, Fernando Alonso, Sebastian Fettel, Valtteri Bottas kimi tanınmış pilotlar var.

Formula 1 bolidlərinin hərəkət etməsi üçün hazırlanan xüsusi yolun - Bakı Şəhər Halqasının müəllifi Herman Tilkedir. Bir dövrənin uzunluğu 6 kilometrdən çoxdur. Ümumilikdə, bolidlər 51 dövrə (120 dəqiqə) vurmalıdırlar.

Qran Prinin birinci günü Formula 1 sinfində iki sərbəst yürüş, Formula 2 sinfində sərbəst yürüş və təsnifat mərhələsi keçiriləcək.

Aprelin 28-də Formula 1 sinfində üçüncü sərbəst yürüş və təsnifat mərhələsi, Formula 2 sinfində isə birinci yarış keçiriləcək.

Üçüncü gün, aprelin 29-u Azərbaycan Qran Prisi, eləcə də Formula 2 sinfində ikinci yarış baş tutacaq.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.