Xalqımız seçkilərin hər iki turunda "Türkiyə əsri"nə sahibləndiyini göstərib
Кредит наличными в ВТБ с минимальной процентной ставкой от 10,99%

Türkiyədə 14 və 28 may tarixlərində keçirilən seçkilərin nəticələrindən biri də Prezident İdarəetmə Sisteminin növbəti dəfə xalqın etimadını doğrultmasıdır.

Day.Az TurkicWorld-a istinadən xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

"Xalqımız seçkilərin hər iki turunda "Türkiyə əsri"nə sahibləndiyini göstərib. Millətimizlə birlikdə 29 oktyabr 2023-cü ildə Cümhuriyyətimizin 100-cü ildönümünü qeyd edəcəyik. "Türkiyə əsri" daha böyük hədəflərə çatmaq əzmidir. Seçimindən asılı olmayaraq səsvermədə iştirak edərək milli iradəsinə sahib çıxan bütün vətəndaşlarımıza təşəkkür edirəm", - deyə prezident Ərdoğan qeyd edib.

Məlumat üçün bildirək ki, Rəcəb Tayyib Ərdoğan 28 may tarixində Türkiyədə keçirilən prezident seçkilərinin ikinci turunda 52,16% səslə qalib olub.