Bakıda qəza törədən sürücü hadisə yerindən qaçdı - VİDEO
Day.Az представляет новость на азербайджанском языке.

Nərimanov rayonunda iki avtomobilin toqquşması nəticəsində baş verən qəzada sürücü hadisə yerindən qaçdı.

ANS TV-nin məlumatına görə, paytaxtın Nərimanov rayon Atatürk prospektində yol qəzası qeydə alınıb. Qəza nəticəsində "Daewoo" və BMW markalI avtomobillər toqquşub. Qəzadan sonra BMW-nin sürücüsü hadisə yerini tərk edib.

"Daewoo"nun sürücüsü Ramil Rahibovun sözlərinə görə, qəzaya BMW-nin sürücüsü səbəb olub.

Belə ki, BMW-nin sürücüsü yüksək sürətlə hərəkət edərək manevr qaydalarnı pozub. BMW əvvəlcə onun maşınına, daha sonra isə yol kənarında maneəyə çırpılıb. Qəza zamanı sürücülər xəsarət almasalar da avtomobillərə ciddi ziyan dəyib.

Hadisə yerinə Nərimanov Rayon Dövlət Yol Polis şöbəsinin əməkdaşları gəliblər. Qəza törədərək hadisə yeridən qaçan BMW-nin sürücüsü axtarışa verilib. Hər iki avtomobil evakuator vasitəsi ilə cərimə meydançasIna aparılıb.

Faktla bağlı araşdırma aparılır.

Videonu izləmək üçün şəklə klikləyin: