525 saylı avtobuslar bu tarixdən dəyişiləcək - ŞAD XƏBƏR
Bakının qəsəbələrində fəaliyyət göstərən avtobusların bəziləri istismara yararsızdır. Ötən gün Masazır qəsəbəsində fəaliyyət göstərən avtobusda da təhlükəli vəziyyət yaranıb.
Bəs yararsız avtobuslar nə vaxt dəyişdiriləcək?
Day.Az Milli.Az-a istinadən xəbər verir ki, 525 nömrəli avtobusun sərnişinlərinin sözlərinə görə, avtobuslar yay aylarında daha pis haldadır:
"Avtobuslar çox istidir, kondisioner yoxdur. Oturacaqlar da köhnəlib, camaat əziyyət çəkir".
Məsələ ilə bağlı dispetçer Ramil Hacıağayev bildirib ki, avtobuslar alınaraq yenilənir. Ayın 1-dək avtobuslar dəyişiləcək. Sadəcə yollar pis gündədir, avtobuslar xəttə buraxılmasına görə çətinliklər var.
Avtobusların yaxın zamanda yenilənəcəyini AYNA da təsdiqləyib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
