Putin seçkilərdə onlayn səs verib
Rusiya Prezidenti Vladimir Putin vahid səsvermə günündə iştirak edib və Dövlət Dumasının doqquzuncu çağırışına deputat seçkilərində onlayn səs verib.
Day.Az xəbər verir ki, bu barədə Kremlin Mətbuat xidməti məlumat yayıb.
Yayılan kadrlarda rusiyalı dövlət başçısının iş kabinetində kompüter arxasına keçərək bir neçə kliklə seçim etdiyini görmək olur.
Son bir neçə ildə Putin elektron səsvermə üsulundan istifadə etməyə üstünlük verir. O, 2024-cü ildə prezident seçkilərində və Moskva Şəhər Dumasına seçkilərdə artıq onlayn səs verib. Bundan əvvəl isə payızda keçirilən vahid səsvermə günündə, o cümlədən Moskva merinin seçkilərində distant şəkildə iştirak edib.
Qeyd edək ki, sentyabrın 18-dən 20-dək - Dövlət Dumasının doqquzuncu çağırışına deputat seçkiləri keçirilir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
