Türkiyədə hərbi çevrilişə cəhddən sonra işdən çıxarılan və həbs edilənlərin

Day.Az представляет новость на азербайджанском языке

Day.Az APA-ya istinadən bildirir ki, Türkiyədə hərbi çevrilişə cəhddən sonra həbs edilən və işdən çıxarılan şəxslərin sayı açıqlanıb. 

Daxili işlər naziri Əfqan Ala bildirib ki, FETÖ terror təşkilatına qarşı həyata keçirilən əməliyyat çərçivəsində 76100 dövlət qulluqçusu işdən azad olunub.
 
Ə. Ala əlavə edib ki, 5171 nəfər tutulub, 16899 nəfər isə həbs edilib. Həbs edilənlərdən 3083-ü polis, 7248-i əsgər, 2288-i hakim və prokurordur.
 
Daxili işlər naziri qeyd edib ki, 7173 nəfər nəzarət altında qalmaq şərti ilə, 3601 nəfər isə tam sərbəst buraxılıb.
 
Ə. Ala onu da qeyd edib ki, 9-u general olmaqla, 190 hərbçi və 96 polis axtarışdadır. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.