Azərbaycan Ordusu yerli istehsal olan yeni növ PUA-larla təmin ediləcək

Day.Az представляет новость на азербайджанском языке

Silahlı Qüvvələr yerli istehsal olan yeni növ pilotsuz uçuş aparatları ilə təmin ediləcək.

Müdafiə Nazirliyindən Milli.Az-a verilən məlumata görə, sentyabrın 27-də Bakı Ekspo Mərkəzində "ADEX 2016" II Azərbaycan Beynəlxalq Müdafiə sərgisi çərçivəsində Azərbaycanın müdafiə naziri general-polkovnik Zakir Həsənov ilə müdafiə sənayesi naziri Yavər Camalov arasında Silahlı Qüvvələrin yerli istehsal olan pilotsuz uçuş aparatları (PUA) ilə təmin edilməsi haqqında anlaşma memorandumu imzalanıb.

Sənədə əsasən Müdafiə Sənayesi Nazirliyinin müəssisələrində istehsal olunan yüzlərlə yeni növ kamikadze tipli "Zərbə" və kəşfiyyat-müşahidə xarakterli pilotsuz uçuş aparatları yaxın vaxtlarda Silahlı Qüvvələrin istismarına veriləcək.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.