Bu evlər söküləcək, proses başladı - RƏSMİ AÇIQLAMA
Sumqayıtda iki mərtəbəli, taxta konstruksiyalı evlər söküləcək. Sakinlər bildirirlər ki, barak tipli evlər hazırda qəzalı vəziyyətdədir. Hər mərtəbədə 8 ailə yaşayır və onların həyatı hər an təhlükə altındadır.
Sakinlərdən biri deyir ki, o, 33 ildir həmin evlərdə yaşayır. Kanalizasiya sistemi və digər kommunal xidmətlər bərbad vəziyyətdədir, bloklar isə uçub-tökülür.
Day.Az xəbər verir ki, Sumqayıt Şəhər İcra Hakimiyyətinin Mətbuat Xidmətinin rəhbəri Eyvaz Qocayev bildirib ki, şəhərdə istismar müddətini başa vurmuş taxta konstruksiyalı evlərin sökülməsi prosesi artıq başlayıb. Hazırda 17-ci və 21-ci məhəllələrdə işlər davam etdirilir. Sökülən evlərin yerində müasir binalar inşa ediləcək.
"Qeyd olunan ərazilərdə də taxta konstruksiyalı binaların sökülərək yerində müasir binaların tikilməsi planlaşdırılır. Proses mərhələli şəkildə aparılacaq", - deyə o bildirib.
Qeyd edək ki, bu evlər İkinci Dünya Müharibəsindən sonra Sumqayıtın tikintisində iştirak etmiş şəxslər üçün inşa olunub.
Elxan
Заметили ошибку в тексте? Выберите текст и сообщите нам, нажав Ctrl + Enter на клавиатуре
