Gədəbəydə qar uçqununa düşən əsgərin cənazəsi ailəsinə təhvil verilib

Gədəbəydə qar uçqununa düşən əsgərin cənazəsi ailəsinə təhvil verilib.

Day.Az Trend-ə istinadən xəbər verir ki, 19 mart tarixində Azərbaycan Respublikasının Gədəbəy rayonunda yerləşən "N" saylı hərbi hissəsində qar uçqununa düşən əsgər Həmidov Rüstəm Ruslan oğlunun tapılan meyiti ailəsinə təhvil verilib.

Əsgər R.Həmidovun ailəsi Bərdə şəhərində məskunlaşdığından onun cənazəsi yaşadığı ünvana gətirilib.

R.Həmidov bu gün Bərdə şəhər Şəhidlər Xiyabanında dəfn olunacaq.

Qeyd edək ki, R.Həmidov və onun silahdaşı İmanov Əli Taryel oğlu xidmət etdikləri postdan qayıdarkən dumanlı hava şəraitində qar uçqununa düşmüşdülər.