Yaponiyanın Honşu adası yaxınlığında 6 bal gücündə zəlzələ baş verib

Yaponiyanın Honşu adası sahillərində 6,0 maqnitudalı zəlzələ baş verib.

Bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, zəlzələnin episentri 239 min nəfər əhalisi olan Aomori prefekturasının Haçinohe şəhərindən 70 kilometr cənub-şərqdə yerləşib. Zəlzələ ocağı 59 kilometr dərinlikdə qeydə alınıb.

Sunami təhlükəsi ilə bağlı hər hansı xəbərdarlıq verilməyib.