Yunan adası miqrantlara qarşı çıxdı - FOTOLAR
Day.Az представляет новость на азербайджанском языке
Yunanıstanın Kos adasında Yaxın Şərq və Şimali Afrika ölkələrindən Avropa Birliyinə axın edən miqrantların müvəqqəti yerləşdirilməsi üçün düşərgənin inşası planlaşdırılıb. Bu isə ada sakinlərini qəzəbləndirib.
Milli.Az European-a istinadən bildirir ki, Kos adasında hazırda mitinq keçirilir. Ada sakinlərinin dediklərinə görə, miqrantların Kosda yerləşdirilməsi yerli əhalinin yaşamına mənfi təsir edəcək, ən başlıcası isə kurort adası olan Kosa turist axınını səngidəcək.
Nümayişçilər Pili kəndindən düşərgənin tikiləcəyi yerədək yürüş ediblər. Miqrant düşərgəsinin köhnə hərbi bazanın yerində inşa olunması nəzərdə tutulur.
Hazırda Yunanıstanın digər bölgələri ilə müqayisədə Kosda ərzaq məhsulları ucuzdur. Lakin miqriant axını qiymətləri xeyli bahalaşdıra bilər.
Kos sakinləri ilk dəfə ötən il belə mitinq keçirmişdilər. Lakin ötən ildən bəri adaya miqrant axını səngimək əvəzinə, daha da artıb.
2 min ada sakini ilə polislər arasındakı toqquşmada 9 yaşlı oğlan yaralanıb.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
