Ağsuda ağır yol qəzası

Ağsu rayonunda ağır yol qəzası baş verib.

Day.Az qafqazinfo-ya istinadən xəbər verir ki, rayon ərazisində 1960-cı il təvəllüdlü Bəbir Mehdiyevin idarə etdiyi "Vaz 21074" markalı avtomobil ilə 1987-ci il təvəllüdlü Emin Nağıyevin sürdüyü "Toyota Prius" markalı avtomobil toqquşub.

Qəza nəticəsində B.Mehdiyev hadisə yerində dünyasını dəyişib. Onun avtomobilində olan 2014-cü il təvəllüdlü Həsənli Ceyhun Vüqar oğlu, həmçinin E.Nağıyev və 1997-ci il təvəllüdlü sərnişini Mirzə Kamilov müxtəlif dərəcəli bədən xəsarətləri alıblar.

Faktla bağlı Ağsu Rayon Polis Şöbəsində cinayət işi açılıb, hadisənin səbəbləri araşdırılır.