Lökbatanda ağır qəza

Lökbatanda 2 nəfərin ölümü ilə nəticələnən yol-nəqliyyat hadisəsi baş verib.

Day.Az bildirir ki, DİN-in Mətbuat Xidmətinin əməkdaşı polis leytenantı Lumu İsrəfilli Trend-in sorğusuna cavab olaraq bildirib ki, aprelin 23-də saat 17:50 radələrində paytaxtın Qaradağ rayonu ərazisində "Lada" və "Hyundai" markalı avtomobillərin toqquşması nəticəsində 2 sərnişin aldıqları xəsarətlərdən hadisə yerində ölüb.

"Yol-nəqliyyat hadisəsi ilə bağlı ərazi polis orqanında cinayət işi başlanılıb.

İstintaq araşdırması aparılır"- deyə o əlavə edib.

XXX

20:34

Bakıda zəncirvari qəza baş verib.

Trend-in əldə etdiyi məlumata görə, hadisə Lökbatan ərazisində baş verib.

Qəza nəticəsində xeyli sayda şəxs xəsarət alıb.

 

Xəsarət alanlar Kliniki Tibbi Mərkəzə yerləşdirilib.

Xəbər yenilənəcək