Azərbaycanda TikTok istifadəçiləri üçün yeni qayda tətbiq olundu

"TikTok" platformasında Azərbaycanla bağlı yenilik tətbiq edilib.

Day.Az xəbər verir ki, artıq paylaşım edən istifadəçilərə Azərbaycan qanunvericiliyinin tələblərini nəzərə almaq tövsiyə olunur.

Bildirilib ki, sosial şəbəkədə cəmiyyətə açıq şəkildə hörmətsizlik ifadə edən paylaşımlar edən bir sıra şəxslər məsuliyyətə cəlb olunub.

Qeyd edək ki, qanunvericiliyə edilən son dəyişikliklərə əsasən, sosial şəbəkələrdə cəmiyyətə qarşı açıq hörmətsizlik ifadə edən paylaşımların edilməsi qadağandır.