Göygöldə təmirdən yeni çıxan Chevrolet dayanacağa çırpıldı - FOTO

Day.Az представляет новость на азербайджанском языке.

Milli.Az Kəpəz TV-yə istinadən xəbər verir ki, Göygöl rayonunun Hacıməlik kəndində yol qəzası baş verib. 22 yaşlı Aslan Həsənov idarə etidyi Chevrolet Niva markalı avtomobillə hərəkətdə olarkən onu yolun kənarındakı dayanacağa çırpıb.

Nəticədə sürücü və onun sərnişini, 29 yaşlı Rüstəm Zeynalov yaralanaraq Gəncə Şəhər Təcili Tibbi Yardım Xəstəxanasına gətirilib. Həkimlər hər iki yaralıda müxtəlif xəsarətlərin olduğunu bildiriblər. Qeyd edək ki, sürücü Aslan Həsənovun sərnişini Rüstəm Zeynalov avtomobil təmiri ustası olub.

Hadisədən əvvəl avtomobildə mövcud olan nasazlığı aradan qaldıran usta onu yoxlamaq məqsədi ilə sürücü ilə birlikdə magistrala çıxıb. Bu zaman məharətini nümayiş etdirən sürücü avtomobili dayanacağa çırparaq tam yararsız hala salıb.

Faktla Baş Dövlət Yol Polisi İdarəsinin İstintaq və Təhqiqat Şöbəsində araşdırma aparılır.