"Chevrolet Niva" 17 yaşlı gəncin həyatını bitirdi
Day.Az представляет новость на азербайджанском языке.

Bu gün axşam saatlarında Şabranda piyadanın ölümü ilə nəticələnən yol-nəqliyyat hadisəsi baş verib.


APA-nın verdiyi xəbərə görə, hadisə Şabran-Taxtalar-Zeyvə yolunun 1-ci kilometrliyində qeydə alınıb. Şabran rayon sakini, 1994-cü il təvəllüdlü Qasımov Mənsur Camaləddin oğlunun idarə etdiyi 10-VS-740 dövlət qeydiyyat nişanlı "Chevrolet Niva" markalı maşınla Şabran rayon sakini 1997-ci il təvəllüdlü Şahbazov İlkin Nəbi oğlunu vurub. Piyada Şahbazov aldığı xəsarətlər nəticəsində hadisə yerindəcə dünyasını dəyişib.


Şabran Rayon Polis bölməsindən APA-ya verilən məlumata görə faktla bağlı 263.2 maddəsi ilə cinayət işi açılıb.


Araşdırmalar davam edir.