Prezident İlham Əliyev Azərbaycanda məhkum olunan fransızı əfv edib

Xəbər verdiyimiz kimi, Prezident İlham Əliyev məhkum edilmiş bir sıra şəxslərin əfv olunması haqqında sərəncam imzalayıb.

Day.Az AZƏRTAC-a istinadən bildirir ki, onların arasında Fransa Respublikasının vətəndaşı 1986-cı ildə anadan olmuş Clerc Theo Hugo da var.

O, Bakı şəhəri Nərimanov Rayon Məhkəməsinin 2024-cü il 10 sentyabr tarixli hökmü ilə məhkum edilmişdi.

Qeyd edək ki, Bakıda metro divarlarını yazan Clerc Theo Hugo 2024-cü ildə Nərimanov rayon Məhkəməsinin hökmü ilə 3 il azadlıqdan məhrum edilib.