Azərbaycanda bu su anbarının təmirinə 6,4 milyon manat xərclənəcək

Viləşçay su anbarında müəyyən təmir işləri həyata keçiriləcək.

Day.Az xəbər verir ki, bu barədə Trend dövlət satınalmalarının vahid internet portalına istinadən xəbər verir.

Belə ki, su anbarında tikinti-istismar sukeçirici qurğunun (qülləli suburaxıcı qurğu) təmir-bərpası işləri aparılacaq.

Məlumata görə, Azərbaycan Dövlət Su Ehtiyatları Agentliyinin tabeliyindəki Tikilməkdə Olan Obyektlərin Müdiriyyəti artıq bununla bağlı hazırlıqlara başlayıb.

Qurum sözügedən işlərin icrasının 6.448.053,38 AZN-ə (6 milyon 448 min 53 manat 38 qəpik) başa gələcəyini ehtimal edir.